كوسة بالبشاميل
أحلى كوسة بالبشاميل شكلها جديد وطعمها روعة
المكوّنات
1/2 كيلو كوسة
لتعصيجة اللحمة نحتاج:
1/4 كيلو لحمة مفرومة
2 بصلة مبشورة
2 فص ثوم مهروس
2 ملعقة كبيرة صلصة
2 كوب طماطم
ملح وفلفل
1/4 ملعقةبهارات لحمة
1/4 ملعقة بابريكا
1/4 ملعقة قرفة
1/4 ملعقة سكر
البشاميل نحتاج:
2 كوب لبن
2 ملعقة ذبدة
ملعقة زيت
2 ملعقة كبيرة دقيق
الخطوات
أولا نغسل الكوسة كويس جدا ونضفها ونقورها بالمقوار ونقطعها بالطول نصفين
لتعصيجة اللحمة هنجيب مقلاية غويطة ونضع فيها زيت وملعقة زبدة ونضع فيها البصل المبشور والثوم ونقلبهم مع بعض كويس لحد لما تاخد لون ذهبي حلو وبعدين نضع اللحمة المفرومة ونقلبهم مع بعض وبعدين نضع بهارات اللحمة والقرفة والسكر والملح والفلفل والبابريكا ونقلبهم ونضع بعد كدة الصلصة وعصير الطماطم ونسبهم لحد لما يتسبكو مع بعض
البشاميل : هجيب حلة صغيرة نضع فيها الزيت والذبده والدقيق ونقلبهم حوالي دقيقتين وبعدين نحوط اللبن وحبة ملح وممكن تحوطي فلفل أبيض لو عندك أنا عايزة البشاميل يكون لونها أبيض متغيريش لونها بأي أضافات تانية ونقلبهم بمضرب سلك يدوي لحد لما يتقل قوام البشاميل ونشلها بعد كدة من على النار بس كدة ☺️
نيجي بئا للخطوات أولا نجيب الكوسة ونرش عليها حبة ملح ونرصها في صينية وبمعلقة نجيب اللحمة المفرومة المتعصجة ونحوط في كل كوسة حبة ونملاها كلها باللحمة ونعمل كل كمية الكوسة كلها كدة وبعدين نحوط على كل كوساية بشاميل وندخلها الفرن على درجة حرارة ١٨٠ لحد لما تستوي والبشاميل يتحمر وممكن تحوطي جبنة موتزاريلا لو بتحبيها بس كدة وقدميها بئا جنب طبق سلطة وعيش وبالهنا
المكوّنات
1/2 كيلو كوسة
لتعصيجة اللحمة نحتاج:
1/4 كيلو لحمة مفرومة
2 بصلة مبشورة
2 فص ثوم مهروس
2 ملعقة كبيرة صلصة
2 كوب طماطم
ملح وفلفل
1/4 ملعقةبهارات لحمة
1/4 ملعقة بابريكا
1/4 ملعقة قرفة
1/4 ملعقة سكر
البشاميل نحتاج:
2 كوب لبن
2 ملعقة ذبدة
ملعقة زيت
2 ملعقة كبيرة دقيق
الخطوات
أولا نغسل الكوسة كويس جدا ونضفها ونقورها بالمقوار ونقطعها بالطول نصفين
لتعصيجة اللحمة هنجيب مقلاية غويطة ونضع فيها زيت وملعقة زبدة ونضع فيها البصل المبشور والثوم ونقلبهم مع بعض كويس لحد لما تاخد لون ذهبي حلو وبعدين نضع اللحمة المفرومة ونقلبهم مع بعض وبعدين نضع بهارات اللحمة والقرفة والسكر والملح والفلفل والبابريكا ونقلبهم ونضع بعد كدة الصلصة وعصير الطماطم ونسبهم لحد لما يتسبكو مع بعض
البشاميل : هجيب حلة صغيرة نضع فيها الزيت والذبده والدقيق ونقلبهم حوالي دقيقتين وبعدين نحوط اللبن وحبة ملح وممكن تحوطي فلفل أبيض لو عندك أنا عايزة البشاميل يكون لونها أبيض متغيريش لونها بأي أضافات تانية ونقلبهم بمضرب سلك يدوي لحد لما يتقل قوام البشاميل ونشلها بعد كدة من على النار بس كدة ☺️
نيجي بئا للخطوات أولا نجيب الكوسة ونرش عليها حبة ملح ونرصها في صينية وبمعلقة نجيب اللحمة المفرومة المتعصجة ونحوط في كل كوسة حبة ونملاها كلها باللحمة ونعمل كل كمية الكوسة كلها كدة وبعدين نحوط على كل كوساية بشاميل وندخلها الفرن على درجة حرارة ١٨٠ لحد لما تستوي والبشاميل يتحمر وممكن تحوطي جبنة موتزاريلا لو بتحبيها بس كدة وقدميها بئا جنب طبق سلطة وعيش وبالهنا
تعليقات
إرسال تعليق